گوشت گائے کا نہیں بلکہ بھینس کا تھا’ کاجول

’گوشت گائے کا نہیں بلکہ بھینس کا تھا’ کاجول http://tz.ucweb.com/5_8o7t
بولی وڈ اداکارہ کاجول کی سوشل میڈیا پر وائرل ہونے والی ایک ویڈیو کے باعث انہیں شدید تنقید کا نشانہ بنایا گیا۔

کاجول نے یہ ویڈیو اپنے فیس بک اکاؤنٹ پر شیئر کی، جس میں وہ اپنے دوستوں کے ساتھ موجود ہیں، اس ویڈیو کی وائرل ہونے کی ایک اہم وجہ اس میں کاجول کا کھانے میں گوشت کا استعمال تھا، جس کے باعث اداکارہ کو تنقید کا نشانہ بنایا جارہا ہے۔

تاہم کاجول نے ٹوئٹر پر اپنی ویڈیو کی وضاحت کرتے ہوئے ایک بیان جاری کیا، جس میں انہوں نے لکھا کہ یہ گوشت گائے کا نہیں بلکہ بھینس کا تھا، جس کا گوشت ہندوستان میں قانونی طور پر دستیاب ہے۔

42 سالہ کاجول کا یہ بھی مانا ہے کہ یہ معاملہ کافی سنگین تھا اس لیے انہوں نے اس ویڈیو کی وضاحت کرنا ضروری سمجھا کیوں اس معاملے سے لوگوں کے مذہبی جذبات مجروح بھی ہوسکتے تھے۔

اس ویڈیو میں کاجول اپنے ایک دوست کے ساتھ ہیں، جن کا تعارف وہ مداحوں سے کرواتی نظر آئیں، انہوں نے کاجول کے لیے چند پکوان بنائے جن میں سے ایک پر گوشت کے استعمال کے باعث اداکارہ کو تنقید کا نشانہ بنایا گیا۔